विमान दुर्घटनामा परी विमानमा सवार १८८ व्यक्तिको मृत्यु भएको थियो। मृत्यु हुनेमा तीन बच्चा सहित १८१ यात्रु, दुई पायलटहरू र ६ अन्य चालक दलका सदस्यहरू रहेका छन्।
दुई सय १० सिट क्षमताको जहाज उडेको केहि समयमानै सम्पर्कविहिन भएको थियो। समुद्र पार गरिरहेको बेला पश्चिम जाभा प्रान्तको कारावाङबाट जहाज सम्पर्कविहीन भएसँगै दुघटनामा परेको रिपोर्टहरुले देखाएका छन्।
यस दुर्घटनामा एक व्यक्ति भने जीवत हुन सफल भएको भन्दै अहिले अन्तराष्ट्रिय संचार माध्यमहरुले समाचार सम्प्रेषण गरेका छन्। इन्डोनेशिया वित्तीयमा कार्यरत रहेका सोनी सेतियावानलाई विमान दुर्घटनाका एकल जीवित व्यक्ति भन्दै संचारहरु सम्प्रेषण भएका छन्।
आफ्ना सहयोगिहरुसँग JT610 विमानमै यात्रा गर्नेवाला थिए। तर विमानस्थल जाँदा अत्याधिक ट्राफिक जाम भएको कारण उनको विमान छुटेको थियो।
एक मिडियासँग कुरा गर्दै उनले भने,” जब मैले विमान दुर्घटना भएको खबर पाए तब मा खुब रोए। किनकि विमानमा मेरा मित्रहरु पनि परेका थिए। म पनि विमान दुर्घटनामा परी मरे भन्दै रोईरहेको आफ्नो परिवारलाई आफू जीउँदै रहेको खबर गर्दाको क्षणलाई म कहिले पनि भुल्न सक्दिन।”
Post a Comment