विहारको पटनाबाट हेलिकोप्टर चढेर सिधै जनकपुर आउन लागेको मोदीको लागि जनकपुरमा बनाएको बाँसको गेट र पण्डालहरू गएराति वर्षासँगै चलेको भीषण हावाहुरीका कारण क्षतिग्रस्त भएको हो । हावाहुरीबाट गेट जोगाउने क्रममा केही मजदुर पनि सामान्य घाइते भएका छन् ।
भारी वर्षाका कारण मोदीलाई स्वागत र अभिनन्दन गर्न लागिएको रंगभूमि बाह्र बिघा मैदानमा पनि पानी जमे स्थानिया बासी रामबाबु यादवले न्यूज २४ लाई जानकारी दिए । मोदी बैशाख २८ र २९ गते दुई दिने नेपाल भ्रमण आउन लागेका हुन् ।
यता सुनसरी सदरमुकाम इनरुवासहित जिल्लाका विभिन्न भागमा पनि आज बिहान एक्कासि आएको असिना पानी र हावाहुरीका कारण तरकारी बाली र नर्सरीमा क्षति भएको छ ।
असिनापानी र हावाहुरीका कारण सदरमुकाम इनरुवासहित जिल्लाको कोसी, भोक्राहा, नरसिंह, गढी, बर्जु, हरिनगर, देवानगञ्जलगायतका गाउँपालिका र झुम्का, दुहबीलगायतका नगरपालिकाका तरकारी बाली र नर्सरीमा क्षति भएको छ।
यो पनि पढ्नुहोस्
मोदीका लागि ६ तयारी : फोहोर रातारात गायब, एकदिनका लागि करोडको मञ्च, पाँच घेरामा सुरक्षाकर्मी…
Post a Comment