भाटिया परिवारको घरपछाडि लगाइएका यी पाइपलाई उनीहरुको मृत्युसँग जोडेर हेरिएको छ । किनकि घरमा कूल ११ पाइप लगाइएका छन् जो कुनै प्रयोगको लागि लगाइएको देखिँदैन । पाइप देख्दा प्रस्ट हुन्छ कि परिवार अन्धविश्वासले जकडिएको थियो । किनकि घरमा मर्नेको संख्या पनि ११ छ र पाइप पनि ११ नै छन् । यसका अलावा पाइपमध्ये ४ सिधा छन् र ७ मोडिएका छन् । मृत्यु हुनेहरु पनि ४ पुरुष छन् र ७ महिला छन् ।
लाश भेटिएको घरबाट २ रजिष्टरसमेत बरामद भएको बताइएको छ । यी रजिष्टरमा सबैको मृत्युको दिन, समय र तरिकासमेत लेखिएको थियो । क्राइम ब्रान्च सूत्रका अनुसार परिवारले २०१५ देखि रजिष्टरमा नोट लेखिरहेका थिए । रजिष्टर घरभित्र रहेको एक सानो मन्दिरबाट बरामद भएको थियो । दिल्ली पुलिस अब दुई रजिष्टरको रहस्यमा अल्झिएको छ । रजिष्टरका पानाहरुमा मृत्युको तरिका, मृत्युको दिन र मृत्युको समय प्रस्ट लेखिएको थियो । आश्चर्यको कुरा परिवारका हरेक सदस्यको ज्यान त्यसैगरी गयो जसरी रजिष्टरमा लेखिएको थियो । अब प्रहरी रजिष्टरमा लेखिएका एक एक कुराहरुमा लेखिएको रहस्य सुल्झाउन लागिपरेको छ ।
Post a Comment