धडकले ओपनिङ निकै राम्रो गरेको थियो तर निकै छिटो यसको कमाइमा गिरावट आएको छ । अहिलेसम्ममा धडकले आइतबार सबैभन्दा राम्रो कमाइ गरेको थियो । आइतबार १३.९२ करोड कमाएको धडकको अहिलेसम्मको कमाइ ४७.३५ करोड पुगेको छ । धडकले शुक्रबार ८.७१ करोड, शनिबार ११.०४ करोड, आइतबार १३.९२ करोड, सोमबार ५.५२ करोड, मंगलबार ४.७६ करोड कमाएको छ । फिल्मको कूल बजेट ५० करोड छ ।
छैटौं दिनको कमाइ हेर्दा धडकले लगानी पनि नउठाउने संकेत देखिएको छ । किनकि धडकको लागि कमाइ गर्ने एक दिन मात्र बाँकी छ । आज बिहीबारको दिनमा लगानी उठाउन सकेन भने धडकले लगानी उठाउन कठिन हुनेछ किनकि भोली संजय दत्तको फिल्म ‘साहब बीबी और गैंगस्टर’ रिलिज हुँदैछ । भर्खरै संजय दत्तको बायोपिक संजूको कमाइ हेर्दा यसैको प्रभावले पनि संजय दत्तको फिल्म चल्ने अनुमान गरिएको छ । यस्तोमा संजयको फिल्मले धडकलाई हलबाटै विस्थापित गर्ने खतरा छ ।
ओरिजिनल मराठी फिल्म सैराट भने ब्लकबस्टर भएको थियो । सैराट मात्रै ४ करोडमा बनेको थियो र यसले १०० करोडको आँकडा पार गरेको थियो । सैराटभन्दा साढे १२ गुणा धेरै लगानीमा बनेको फिल्म धडकले भने सैराटको आधा पनि कमाउन सकेन ।
Post a Comment