एजेन्सी। भारतको राजधानी दिल्लीमा एउटै घरभित्र ११ शव भेटिएपछि राजधानी शहर त्रसित बनेको छ । यी शवहरुमध्ये १० शव झुण्डिएको अवस्थामा र १ शव भुइँमा भेटिएको प्रहरीले जनाएको छ । उत्तरी दिल्लीको बुराडीको संत नगर इलाकामा शव बरामद भएको हो । भेटिएका शवमध्ये सात महिला र ४ पुरुष थिए ।
झुण्डिएका सबै शवको आँखामा पट्टी बाँधिएको थियो । भारतीय दैनिक जागरणले जनाएअनुसार प्रहरीले बिहान ७ बजे सूचना पाएको थियो । घटनास्थल पुगेको प्रहरीले सबै शवलाई पोष्टमार्टमको लागि पठाएको छ । अहिलेसम्म यो सामूहिक हत्या हो वा सामूहिक आत्महत्या भन्ने खुल्न सकेको छैन । प्रहरीले सबै पक्षको जाँच गरिरहेको जनाएको छ । सुरुवातमा भने प्रहरीले यसलाई आत्महत्या मानेर अघि बढेको छ । मृत्यु हुने सबै दुई दाजुभाइका परिवार थिए ।
Post a Comment