फिल्मीखबर डटकमसँगको कुराकानीको क्रममा निर्माता उद्दिनले भने, ‘९० प्रतिशत नेपाल र १० प्रतिशत छायांकन हामी अमेरिकामा गर्नेछौ । प्रेमसँगै फिल्मलाई हामीले एक्सन प्रधान बनाउन लागेका छौ ।’ उनले कति पारिश्रमिकमा गुलशनलाई फिल्ममा अनुवन्धित गरिएका हुन् त्यो भने खुलाउन चाहेनन् । अंग्रेजी भाषामा निर्माण हुने यो फिल्मका निर्देशक अमेरिकी नागरिक पेम्बा ढुण्डुप हुन् ।
मुख्य भूमिकामा अमेरिकाका जोश म्यानुल छन् भने 'जेरी' फेम नेपाली नायिका आना शर्मा उनको अपोजिटमा देखिँदैछिन् । फिल्ममा नीर शाह, कर्म, शिशिर बागदेल, स्वरुप पूरुष ढकाल, आमिर गौतम, प्रभात रिमाल लगायतका नेपाली कलाकारहरुको पनि अभिनय रहेको निर्माता उद्दिनले जानकारी दिए ।
कार्लोस मेडिनाको छायांकन रहने ‘द म्यान फ्रम काठमाडौँ’मा पेमा स्वयम्को पटकथा, एरिक कारखेकको सम्पादन र जोसे म्यानुएलको द्वन्द्व रहनेछ । निर्देशक ढुण्डुपको साथी भएका कारण गुलशन यो फिल्म खेल्न राजी भएका हुन् । केहीदिन अगाडि उनी फिल्मका लागि ठेट नेपाली पहिरनमा सजिएको तश्वीर बाहिर आएको थियो ।
Post a Comment