आइओएम प्रवेश परीक्षा सञ्चालक समितिले उपकरणसहित समातिएहरुलाई चार वर्षसम्म आइओएमको कुनै पनि प्रवेश परीक्षा सहभागी हुन अयोग्य रहनेगरी निर्णय गरेको हो।
आइओएमले परीक्षा समितिले गत असोज २८ गतेको परीक्षा रद्द गर्ने निर्णय ३ गते गरेको थियो। त्यसैगरी आगामी परीक्षा मंसिर १६ गते गरिने समेत जनाएको छ। त्रिविले केही दिनअघि शैक्षिक प्रशानससम्बन्धी नियामको खण्ड (ग) बमोजिम गर्न निर्देशन दिएपछि सो व्यवस्थाअनुसार आइओएम परीक्षा समितिले परीक्षा रद्दगरी नयाँ मिति तोकेको हो।
त्रिवि चिकित्साशास्त्र अध्यायान संस्था (आइओएम) एमबिबिएस प्रवेश परीक्षामा चिट चोरी भएपनि प्रश्नपत्र बाहिरिएको कुनै आधार नदेखिएको अनुसन्धानबाट देखिइको छ। अनुसन्धानबाट चिट चोरिमा संलग्न ९ विद्यार्थीसहित गिरोहको अनुसन्धानबाट भाइबरमा देखिएका मध्ये जम्मा ५९ प्रश्नमा १४ वटामात्रै मिलेको पाइएको थियो । प्रश्नपत्र नै बाहिएको भन्दै त्योभन्दा बढी उत्तर मिल्ने र यति न्यूनप्रश्न मिलेको आधारमा मात्रै प्रश्नपत्र बाहिरएको पुष्टि हुननसक्ने अनुसन्धानले देखाएको छ।
आइओएमले प्रहरी र त्रिवि छानविन समितिको प्रतिवेदनले समेत प्रश्नपत्र बाहिरीएको र कुनै कर्मचारी वा पदाधिकारीको संलग्नतासमेत हालसम्म पुष्टि नभएको जनाएको छ।
परीक्षा समितिले चिट चोरी प्रकरण बाहिरिएको एमबिबिएस प्रवेश परीक्षा रद्द गर्ने निर्णय गरेको छ।
आइओएम अन्र्तगतका ७ मेडिकल कलेजका लागि तोकिएका सिटमा भर्ना लिन गत असोज २८ मा परीक्षा संचालन गरिएको थियो। सो क्रममा केही परीक्षा केन्द्रमा चिट चोर्न विशेष इलेक्टिभ डिभाइससहित गिरोह नै समातिएको थियो।
सो आधारमा त्रिवि, मेडिकल काउन्सिललगायतका निकायबाट भएका छानविन प्रतिवेदनले परीक्षामा अनियमितता भएको देखाएको भन्दै त्रिविले रद्द गर्न आइओएमलाई निर्देशन दिएको थियो।
त्रिविले आइओएमलाई प्रहरीको प्रतिवेदन, नेपाल मेडिकल काउन्सिलको विज्ञको प्रतिवेदन, त्रिवि छाविन समितिको प्रतिवेदन र कानुनी सल्लाह गरी चारवटा आधारमा घुमाउरो तरीकामा रद्द गरेर नयाँ परीक्षा गर्न सुझाएको थियो।
Post a Comment