दार्जिलिङसहितका पहाडी क्षेत्र समेटेर अलग गोर्खाल्याण्ड राज्यको माग गर्दै आएका गुरुङ भने भूमिगत भएको बताइएको छ । केही दिनदेखि भाषा विवादका कारण सो क्षेत्रमा गुरुङका कार्यकर्तासहित नेपाली भाषी आन्दोलित छन् ।
छापा मारेको विरोधमा भीडले प्रहरी र केही संचारमाध्यमका गाडीमा आगजनी गरेका छन् ।
प्रहरीले गुरुङको घरमा छापा नमारेको जनाएको छ । तर उनको केही कार्यालय र अखडामा छापा मारिएको स्वीकार गर्दै प्रहरीले ठूलो संख्यामा घरेलु हतियार, विस्फोटक र सुइरो बराबद भएको जनाएको छ ।
गोरखा जनमुक्ति मोर्चाका महासचिव रोशन गिरीले राज्य सरकारका कारण अशान्ति बढेको आरोप लगाएका छन् । राज्य सरकारले प्रहरी परिचालन गरेर नेपाली भाषीमाथि दमन गरेको उनको आरोप छ । (एजेन्सी)
Post a Comment