एउटा नेपाली जसले विश्व हल्लाए एकपटक भिडियोमा हेर्नुस

एक मिनेटमा ४२ शब्दका क्रम स्मरण गरी तेज स्मरण शक्तिमा विश्व किर्तीमान बनाउन सफल मेमोरी किंग अर्पण शर्माको जन्म सोमबार २३ माघ २०४६ सालमा भएको हो। सन् २०१४ सेप्टेम्बर २६ तारिखमा उनले यो रेकर्ड बनाएका थिए । सन् २०१५ को सेप्टेम्बर २६ तारिखका दिन बेलायतको राजधानी लण्डनमा एउटा घोषणा भयो जसमा गिनिज वर्ल्ड रेकर्डले प्रमाणपत्र जारी गरेर भन्यो, ‘अर्पण शर्मा संसारकै सबैभन्दा तेज स्मरण शक्ति भएका व्यक्ति भएका छन् ।’ अहिले २६ वर्ष लागेका अर्पण पछिल्ला दिनहरुमा पूर्वी नेपालका विभिन्न विद्यालय र संघसंस्थामा स्मरणशक्ति अभिवृद्धि सम्बन्धी तालिम दिनमा व्यस्त छन् । बहुप्रतिभाशाली राष्ट्रिय युवा पुरस्कार–०७२ बाट सम्मानित भइसकेका साथै स्थानीय स्तरमा पनि दजनौं संघसंस्थाबाट पुरस्कृत भएका अर्पण शर्माले झापामा युवा सशक्तिकरण समाज नामक संस्था खोलेका छन् । सो संस्थाले युवालाई मेमोरी, आर्ट, बुटिक लगायतका विषयसँग सम्बन्धित तालिम दिन्छ । धेरै शब्दको केहीबेरमै स्मरण गरेर उनले सबैलाई चकित बनाउने गरेका छन् । उनी भन्छन्, ‘सामान्यतयाः एउटा शब्दलाई स्मरण गर्न एक सेकेण्डदेखि ५ सेकेण्डसम्म लाग्छ ।’ आफ्नो स्मरणशक्तिका कारण उनलाई पढाइमा पनि धेरै सघाउ पुगेको छ । उनी कलेज टपर हुन् । अचम्म लाग्न सक्छ, परीक्षाको तालिका नआउन्जेल उनी किताबै छुँदैनन् ।

SHARE THIS POST :