बिरामी भएर कुवेतबाट घर पुगेकी पुनमलाई ३ महिना पहिले उनका श्रीमान प्रेम मुसहरले धेरै सताएको भन्दै आफ्नो घर देखि औषधि गर्न जाने भनेर साइकलमा राखेर त्रीबेणी नदि नजिकैको नहरमा फालेका थिए । बेवारिसे अवस्थामा ३ दिन पछि उनको लास भेटिएको थियो | श्रीमतिको हत्या श्रीमानबाटै भएको अनुसन्धानबाट खुलेपछि प्रेम मुसहर अहिले प्रहरी हिरासतमा छन ।
उनिहरुको ४ बर्षिय छोरा अंगद मुसहर अहिले बाबा आमा बिहिन भएका छन् | अंगदलाई आफ्नो ठूली फूपू शान्ती मुसहरको घरमा राखिएको छ | तर फूपूले बालकलाई लालनपालन तथा पढाउन नसक्ने बताएपछि लुम्बिनि समाज नेपाल कुवेत केहि राहत लिएर पिडित बालक भएकै घरमा पुगेको छ |
आप्रवासी हकहित संरक्षण मञ्च नवलपरासी द्वारा खबर पाउने बितिकै लुम्बिनि समाज नेपाल कुवेतका अध्यक्ष रुपेन हमाल पिडित बालक भएको घरमै पुगेर सहयोग गरेका छन् | बालकको पठन पाठनको लागि विद्यालय ब्यवस्थापन गरि ड्रेसको लागि केही नगद रकम, कापी, किताब, पेन्सिल लगायत जाडोका कपडाहरु लगभग ५ हजार बराबरको समान हस्तान्तरण गरेको हमालले बताए ।- हाम्रो संचार बाट
Post a Comment