केहीबेरमा अस्पतालले दाहालको निधन भएको औपचारिक घोषणा पत्रकार सम्मेलन गरेर गर्दैछ । अस्पतालमा अहिले सुरक्षा अधिकारीहरु तथा सर्वसाधारणको भिड लागेको छ ।
दाहाललाई आइतबार बिहान पाँच बजेतिर अचेत अवस्थामा अस्पताल ल्याइएको थियो । झापामा रहेका माओवादी अध्यक्ष प्रचण्ड आजै हेलिकोप्टरबाट काठमाडौं फर्किँदैछन् । चितवनबाट दाहालकी दिदी रेणु र परिवारका अन्य सदस्यहरु पनि काठमाडौं आउँदैछन् ।
सधैं प्रचण्डसँगै जाने गरेका उनी झापा नगई मलाई सन्चो छैन भनेर चितवनबाट काठमाडौं फर्केका थिए । उनी काठमाडौंमा आमासँग बसेका थिए ।
आफ्नो बुबासँगै गएर दैनिक माओवादी केन्द्रको बिभिन्न गतिबिधि लाइभ दिने, टिप्पणीहरु लेख्ने, कार्यक्रमको फोटोहरु मिडियाहरुलाई पठाउने तथा आफ्नो फेसबुकमा प्राय अपडेट गरिरहने दाहाल दुईदिन देखि सामाजिक संजालमा सक्रिय थिएनन् ।
दाहालको मृत्युको खबर एकाबिहानै भाइरल भएपछी कतिपयले अनलाइन मिडियालाई गाली गर्दै झुटा खबर दिएको भन्दै गाली गरेका थिए भने कतिपयले श्रद्धाञ्जली समेत दिन थालेका छन् । केहिले सामाजिक संजालमा प्रकासलाई जनयुद्धको महान व्यक्तित्व भन्दै उनको पार्टीप्रतिको लगनशीलतालाई प्रशंशा गरेका छन् । केहिले उनले कुनै पदमा नबसी निरन्तर आफ्नो बाबुको राजनीतिक जीवनमा सबैभन्दा महत्वपूर्ण सारथीको रुपमा भूमिका निभाएको उल्लेख गरेका छन् ।
Post a Comment