शान्ति नेपाली समाज बर्मिङहमको आयोजनामा ५ सय बढि महिलाहरुको सहभागितामा सोमबार तीज विशेष कार्यक्रम सम्पन्न भएको हो ।
समाजका अध्यक्ष कृष्ण ढकालको अध्यक्षतामा सम्पन्न कार्यक्रमको सञ्चालन सचिव प्रकाश तिवारीले गरेका थिए । कार्यक्रममा स्वागत मन्तव्य राख्दै समाजकी उपाध्यक्ष सिता खरेलले कार्यक्रमबाट बचत हुने रकम नेपालका बाढीपीडितको सहयोगार्थ पठाउने जानकारी गराएकी थिइन् ।
कार्यक्रममा सहभागी महिलाहरुले दिनभर तीजका गीतमा नाचगान गरेर मनोरञ्जन लिएका थिए ।
समाजका अध्यक्ष कृष्ण ढकालले कार्यक्रममा संकलन भएको कुल रकमबाट खर्च कटाएर सबै रकम चितवनका बाढीपीडितलाई पठाउने जानकारी दिए ।
समाजले कार्यक्रमभन्दा अघि नै बाढीपीडितका लागि सहयोगको अपील गरेर केहि रकम समेत उठाएको थियो । त्यससरी संकलित रकम र तीज कार्यक्रमबाट बचेको गरी झण्डै ६ लाख रुपियाको सहयोग बाढीपीडितलाई पठाइने भएको छ ।
हेर्नुस भिडियो :
साभार-http://www.pnpmedianepal.com
Post a Comment