यस नाचमा नृत्य कलाकार, वाद्यवादक कलाकारहरुमा अधिकांश महिलाहरुको ठूलो सहभागिता रहेको यस नाचमा रामबजारबासीहरु हर्षोल्लासका साथ सहभागी हुन्छन् भने समितिमा ठूलो सानो गरी चार सेट नाच नाच्ने कलाकारहरु तयारी अवस्थामा छन् । ताया:मचा: गाईजात्राको दिनदेखि निकाली श्रीकृष्ण जन्माष्टमीको दिनसम्म रामबजार क्षेत्रमा निकालिने गरिएको छ, जसमा श्रीकृष्ण जन्माष्टमी शोभायात्रामा बिहान ८:३० बजे शोभायात्रासँगै बजार परिक्रमा गरिन्छ भने साँझ ५ बजेदेखि १२:०० बजेसम्म रामबजार क्षेत्रमा भएका ५ वटा मन्दिरहरु श्री विश्वकर्मा मन्दिर, श्री कालिका मन्दिर, श्री लक्ष्मी मन्दिर, श्री राममन्दिर र श्रीकृष्ण मन्दिरमा परिक्रमा गरी नाच समापन गरिन्छ । यस ताया:मचा: नाच समितिलाई विभिन्न क्षेत्र, विदेशबाट सहयोग आउने क्रम जारी रहेको छ जसमा हालै इन्टेक ०६ विग्रेड अफ गोर्खाजका नम्बरीहरुबाट ७० हजार, रामबजार पोखरा १० निवासी रुद्र बहादुर श्रेष्ठ तथा शिरमाया श्रेष्ठको छोरा हाल युकेमा कार्यरत प्रेम सिंह श्रेष्ठबाट ११ हजार ५१ र रामबजार पोखरा १० निवासी भक्तमान तमी श्रेष्ठ र नारायणदेवी तमी श्रेष्ठबाट ५ हजार ५ थप अक्षयकोष सहयोग भएको जानकारी अध्यक्ष सम्मरबहादुर श्रेष्ठले दिनुभयो ।हेर्नुहोस यमराजको गाई जात्रा
Post a Comment