न्यायाधीश ओमप्रकाश मिश्र र पुरुषोत्तम भण्डारीको इजलासले साँझ ७ बजे भरतपुर प्रकरणको रिटमा फैसला सुनायो । तर प्रकाशले ५ बजे नै पुनः मतदान गर्ने फैसला सर्वाेच्च अदालतबाट भएको जानकारी सामाजिक सञ्जालमा दिए । प्रकाशले सामाजिक सञ्जालमा दिएजस्तै सर्वाेच्च अदालतबाट पुनः मतदानको फैसला आयो ।
प्रकाशले सामाजिक सञ्जालमा पुनः मतदान जानकारी दिएपछि माओवादी केन्द्र निकट धेरै नेता कार्यकर्ताले अदालतलको फैसलालाई स्वागत गरे । समाजिक सञ्जालभरी पुनः मतदानको खवर फैलियो । तर दैनिक सर्वाेच्च अदालत पुगेर समाचार संकलन गर्ने पत्रकारहरु भने अनभिज्ञ थिए । उनीहरु इजलास अगाडी फैसलाको पर्खाइमा कुरिरहेका थिए ।
सामाजिक सञ्जालमा फैसलाको खवर भाइरल बनेपछि संबैधानिक तथा कानुन पत्रकार मञ्चका पूर्वअध्यक्ष डिल्ली आचार्यले समाजिक सञ्जालमा लेखे ‘स्मरण रहोस, ६.४४ मिनेटसम्म अदालतले भरतपुर बारे बोलेको छैन ।’ ७ बजेतिर फैसला प्रचण्ड पुत्र प्रकाशले सार्वजनिक गरेजस्तै आयो ।
सर्वोच्च अदालतले फैसला सुनाएलगतै कांग्रेस–माओवादीमा खुसीयाली छायो भने एमाले नेताहरुले दुर्भाग्यपूर्ण भन्दै टिप्पनी गरे । अदालतले विधिको शासनलाई भत्काएको र अराजकतालाई संस्थागत गरेको आरोप एमाले नेताहरुले बताउन थालेका छन् ।
Post a Comment