बाहिरबाट हेर्दा यसको प्रत्यक्ष असर संसारका उत्कृष्ट अन्तर्राष्ट्रिय वायुसेवा कम्पनीमध्ये पर्ने कतारको राष्ट्रिय ध्वजबहाक कम्पनी कतार एयरवेजमा परेको देखिए पनि व्यवहारमा त्यस्तो छैन ।
कुनै पनि वायुसेवा समस्यामा पर्दा त्यसको सिधा असर हवाई यात्रुमाथि पर्ने गर्छ । तर कतारसँगको सम्बन्धबिच्छेदले न कतार एयरवेजको उडान ढिला भएको छ न भाडा बढेको छ, न कुनै यात्रु कतै अड्किएका छन् ।
कतार एयरवेजले दोहाबाट काठमाडौंका लागि हाल दैनिक तीन उडान भरिरहेको छ । उसले यहाँबाट दोहा र दोहाबाट अरू १५० गन्तब्यमा यात्रु उडाइरहेको छ ।
‘छिमेकीले सम्बन्ध तोडे पनि हाम्रो उडान प्रभावित भएको छैन । सबै उडान तोकिएको समयमै उडिरहेका छन्,’ कतार एयरवेजका नेपालस्थित कार्यालयका एक उच्च अधिकृतले भने,‘हाम्रो उडान रूट यथावत छ । भाडा पनि बढेको छैन । बरू उल्टै प्रवर्धनात्मक भाडा दर सार्वजनिक गर्छौ ।’
कम्पनीले काठमाडौंबाट दोहा हुँदै युरोप अमेरिका जाने टिकट बढी बेच्ने गरेको जनाएको छ । यसो हर्दा दोहाबाट उडेका जहाज सम्बन्धबिच्छेद गरेका राष्ट्रमाथिबाट उड्छन् भन्ने लागे पनि त्यो गलत भएको ती अधिकारीले बताए । -नागरिक दैनिक
Post a Comment